Base Sasak

Assalaamualaikum warrahmatullahi wabarrakaatuh




Meleku tao, meleku nyoba’ang. Ngumbe rasane nulis ngedu base sasak. Ndekku puti tao base sasak sebenerne. Leq bale kance leq sekolah ngedu base Indonesia doang eku. Taoku belajah base niki mun bekedek kance batur-baturku leq desa ijobalit, bale embahku. Jari, base sasak siq kutoang ino ye base sasak kasar marak niki. Base sasak niki mun de mele tao jak, luek gati macemne. Leq sekek desa be tao ne luek gati persine. Baleku leq bermis 2, base bermis 1 & 2 be wah ndekne pede logatne. Aning pancor malik, selekene bede egolanne. Jari, karena mule ndekne arak kesepakan mbe sik kenak dait mbe sik salak (mule ndarak sik salak so endah), be ngene so base sasak sik ku toang jak.

Meleku becerite ine, tentang rencanaku jemak mun jeri dengan sukses. Meleku belajah selapuk base leq dunie. Baeh mun  ku wah tao, ginku miak catetan marak ngene ngadubase ino. Base jawe be ndekku paham lalok sebenerne, laguk melet eku tao, meleku miak catetan ngedu base jawe baeh. Haha. Epe je’i siq kuraosang ini pe? Baeh mun ku wah tao base jepang ndah, meletku nulis ngedu base ino, beterus kuposting leq tene. In shaa Allah, aamiin. Kanso ku demen lalok belajah bahase a? haha.

Wahku nyuruk baturku bace tulisan ini beruk. Lekan Palembang ie, Cynthia aranne. Yaa Allah, sang lelahku rerek denger ie bebace. Hahahahaha. Bace doang ngeno angkunne, epelegi ne taok artine. Base sasak ino hartaku, berukku sadar. Mele eku belajah base sasak malik jerine. Lasingan keh, mun kubedait kance dengan sasak leq tene, girangku ndek puti ngerti epe raosang ne. haha. Apalagi mun dengan Lombok Utara. Inne’e, epe kek epe.

Aok aneh, sekene juluk wah. Piran-piran kunulis ampok ngedu base sasak siq solahan. Haha.


Wassalaam





Yogyakarta


Zulfin Hariani

0601152249

Komentar

  1. Meletku ngomen ngedu bese sasak endah meh. Tumben gene ine ku ngomen belog mba ngedu bese sasak. Eh, wah ndek ne belog ine ndih? Web aran ne nengke, ngerr sih ngedu dotkom nengke ndereq blogspot-blogspot ne :D

    BalasHapus
    Balasan
    1. wkwk, mesi kelegot elakku ndah xD tetep ne blog jegene, mbak.. kagok mesi elakku ngelek ie web xD

      Hapus

Posting Komentar